سلسلة تعليم دهانات المنازل المجانية (الجزء الثالث) | The Best Way to Paint Interior Walls Part 3
بعدما تحدثنا فى الجزء الثانى حول عملية الصنفرة و البطانة ( اى الدهان الاولى للحوائط) ثم شرحنا عملية التلقيط بالمعجون و تجهيز الحوائط لعملية الطلاء النهائى اى الفينش كما نسميه ، نأتى فى هذا الموضوع لنشرح عملية الطلاء النهائى للحوائط و طلاء بعض الدهانات الديكورية و تناسق الالوان و تمازجها مع بعضها البعض و ما الفرق بين الطلاء المودرن و الكلاسيك و كيفية ملائمة الدهانات للديكور المنزلى ، اى اذا كانت الديكورات مودرن فما هى الالوان التى تتماشى معها؟ او كلاسيك فما هى تلك الالوان التى تعطى انطباعا كلاسيكيا ليلاءم الديكورات الجبسية الكلاسيكية؟ كل هذا و اكثر ستتعرفون عليه باستفاضه مع الشرح المفصل من خلال سلسلة تعليم الدهانات باجزاءها الثلاث و ربما الاربع ....فهيا الى الشرح المفصل......
 |
| سقف فلفت كمونى+حائط فلفت بنى فاتح+كورنيشه اكسيديه+رسم نبرتيه |
للذين لم يقرأوا الجزء الاول او الثانى اليكم عناوينهما....
------------------------------------------------------------------------
------------------------------------------------------------------------
اولاً: تجهيز الحوائط لعملية الدهان (الطلاء) النهائى....
بعدما انتهينا من عملية التلقيط نقوم بتنظيف الحائط جيدا بعد صنفرة التلقيط بصنفرة ناعمة مما تبقى من صنفرة استخدمت فى عملية الصنفرة السابقة و ايضا نقوم بصنفرة الحوائط لأننا عند تحسسنا للحوائط نجد بها بعض الخشونة ، بعد ذلك ننظف الجدران من الاتربة و فوق الوزر و الارض جيدا و يفضل غلق الابواب و النوافذ اثناء عملية الطلاء النهائى او رش بعض المياه على ارضيات الغرف المراد طلاء جدرانها و هكذا قد هيئنا الحوائط لعملية الطلاء النهائى و الذى هو من وجهين او اكثر.
ثانياً: الخامات المستخدمة فى عملية الدهان النهائى...
و هنا لك مطلق الحرية فيما تختار من انواع الدهانات و على حسب امكاناتك المادية و لكن بما اننا هنا نتحدث عن طريقتى فى عملية الدهانات و الخامات التى استخدمها ، فنحن نطلق على انفسنا المتسوق الشاطر الذى يذهب للسوق و يتسوق من كل محل و يشترى افضل ما تنتجه كل شركة دهانات على حدا ففى المعجون استخدم جى ال سى اكريلك ، و احيانا معجونة تسمى درش فى السكينة الاولى و الثانية اما فى الدهان الاولى البطانة غالبا ما استخدم سوبر دايتون مع سيلر جى ال سى و للسقف ديرتون 777 و الدهان البلاستيك النصف لامع احيانا يوتن سيلك او شامبليون ايمليشن فينيل سيلك من الندى للاستيراد و هو ما استخدمه حاليا و اعجبنى معدل فرده و تغطيته و تسطيره على الحوائط و لكنى افصح عن سر فانا اخلط عليه القليل من الديرتون 777 من باكين فلماذا؟ "-لأنكم كما تعلمون مبيضين المحارة ربنا يسامحهم هما و بتوع المصيص بيشقلبوا الشغل، بس بصراحة مش كلهم-،، الان و بعدما اخذنا لمحة بسيطة عن نوع البويات التى استخدمها فى عملية التشطيب ، اقتربنا كثيراً من التنفيذ و لكن اولاً ما هى العدد و الادوات التى سنستخدمها فى هذه العملية العسيرة(هههههه)....
ثالثاً: عدد و ادوات الدهانات المستخدمة فى عملية الدهان...
استخدم 2 رول واحدة لتوزيع الدهان و الاخرى للمس و يفضل ان تكون الاولى ذات شعر غزير فتل يعنى و الثانية ذات شعر نحيل اى مقطوط و تكون غالباً صوف كما نقول و فرشاة 3 بوصة و رول صغير للتحرير و التقطيع حول الاركان و المزانق.
رابعاً عملية التلوين و التنفيذ....
(أ) اذا كان الديكور كلاسيك....
يفضل طلاء الالوان البيج و الكافيه و الاوف وايت و البنى و الكريمى.
(ب) اذا كان الديكور مودرن....
يفضل طلاء الوان الرمادى و الفضى و الاسود و النبيتى و النحاسى الاحمر و لا يفضل عمل دهانات ديكورية مع الديكور المودرن.
(ج) طريقة التلوين....
قبل اى شىء و قبل ان نقوم بتلوين الدهانات سواء بطريقة يدوية او بالكمبيوتر فى مراكز تلوين الدهانات يجب ان نأخذ بعض الافكار حول عملية التلوين و مدى ملائمة و تناغم الالوان و الديكورات و الفرش ايضا داخل منازلنا و لمعرفة ذلك جيدا يرجى الاطلاع على هذه التدوينة حول كتالوج الالون و ايضا هذه حول كتالوج اصنع الوان الحوائط بنفسك الالكترونى اون لاين فالاخيرة يمكنك من خلالها رفع صورة لجدران غرفتك و منزلك و تلوينه ببرنامج مجانى على الانترنت فهى تعطيك افكار حول ماهى الالوان التى تناسب حوائط منزلك او غرفتك.
*بعدما تعرفنا على الالوان و اخذنا الافكار حول مواكبة اللون و تناغمه مع ديكورات منزلنا و ايضا مع الاثاث الذى سيكمل شكل الديكور و التصميم الداخلى للمنزل ، نعم فهى منظومة متكاملة تكمل بعضها بعضاً ، نأتى الان لكيفية التنفيذ.
(د) كيفية طلاء الوجه النهائى..
نقوم بوضع حوالى 2 لتر ديريتون او اى بلاستيط مط عالى الجودة او كما يسمونه فى الخليج ايمليشن على بستلة بلاستيك نصف لامع من اى نوع تفضله او من الانواع التى ذكرتها انفاً ثم تصفى من الشوائب من اثر عملية التخزين و نقوم بطلاؤ الحائط بنفس الطريقة التى شرحتها فى الجزء الثانى من سلسلة تعليم دهانات المنازل يمكنك الاطلاع على الموضوع و لا داعى لشرحه مرة اخرى...
خامساً الدهانات الديكورية....
 |
| دهان فلفت|دهان قطيفة |
بعدما انهينا عملية الطلاء النهائى و شطبنا الحوائط نأتى للدهانات الديكورية و التى تعطى لمسة ابداع و ديكور للجدران و انواع الدهانات الديكورية كثير جداً و تختلف مسمياتها باختلاف الشركات المنتجة لهذه الدهانات فعلى سبيل المثال لا الحصر فى الجزيرة دهان الخيال و فى الندى للاستيراد دهان الانتيكا و فى باكين دهان توسكانيا انتيكا من نوفا كلور الا انه الفلفت هو الوحيد الذى يسمى فلفت فى معظم هذه الشركات عدا انه يطلق عليه ديون او دونى نوفا كلور و التى تستورده باكين من الشركة الايطالية ، و لى ملحوظة للذين يقومون بتصميم سقف منازلهم و ديكور حوائطهم بتصميم مودرن و على سبيل المثال دهانات جبسيوم بورد او سقف معلق مودرن لا انصح بعمل دهانات ديكورية انما يكفى خلفيات الوان داكنة كاللون الرمادى او السيلفر او النحاسى و لكنى استثنى خامة او اثنين و هما الفلفت و السبلة او السواهيلى و لكن القاعدة الاساسية هى الالوان المودرن و هذا من وجهة نظرى التى لا قيمة لها و لكى لا اطيل عليكم اكثر من ذلك يمكنكم الاطلاع على الدهانات الديكورية و طريقة تنفيذها بالضغط على دهانات ديكورية.
سادساً:الرسم و الزخارف على الجدران
و هنا يأتى دور الفنان و الرسام على سليمان و الذى يتحفنا بأعماله الرائعة و بتعاونه معنا من خلال شركتنا الجديدة مودرن ديكور و مبدعنا م/ عصام عباس مدير الشركة و مصمم و منفذ التصميم الداخلى و الديكورات...
هناك انواع من الرسم كثيرة و على سبيل المثال: رسم الترومبيلوى
 |
| رسم الترومبيلوى ثلاثى الابعاد|ادمن الموقع |
 |
| رسم على الحوائط |
 |
| رسم على السقف |
 |
| رسم دوائر و فقاعات على الحائط |
رسم لغرف الاطفال
 |
| رسم عائلة وينى بوه لغرفة اطقال |
***هذا الموضوع قابل للتعديل فى اى وقت نظراً للتطورات و الاعمال التى ننفذها لنواكب كل جديد فى عالم الدهانات و الدهانات الديكورية ، كانت هذه لمحة عن كيفية تشطيب الحوائط بدهانات و دهانات ديكورية و ارجو من القدير ان اكون قد وفقت فى نقل صورة واضحة حول هذا الموضوع و من له اى استفسار فلا يتردد فى الاتصال بى سواء بترك تعليق او عبر الهاتف او البريد الالكترونى و ذلك بالضفط على اتصل بنا....
دمتم فى رعاية الله و امنه
شكرا على مجهودكم الرائع,انا عندى باب كان واخد وش سلون و اديته وش معجون لاتكس سايبس
ردحذفهل بعد كده ادهنه وش بكين سفير بنى مثلا ؟
و لو عاوز اخليه بنى محروق محمر احط عليه ايه ؟
مرحبا@Goldensemsem:
ردحذفعذرا لتأخرى فى الرد، يفضل بعد الصنفرة طلاءه بسانيتون مط ثم بالطلاء الذى ذكرته و السؤال الثانى غريب بعض الشىء هل تقصد بنى محروق ام نبيتى لان البنى محروق لا يكون ابدا محمر و ان كان فى تخيلك ما كتبته من لون جديد فانصحك اختياره من مركز تلوين الدهانات بالكمبيوتر، لانك لا تملك من الخبرة عمل هذا الاختراع الذى ذكرته انت فى تعليقك، اشكرك على المرور البناء....
الله يعطيكم العافية وخير الجزاء
ردحذفانا عندى نيش لاكية وقشر واريد تغيير اللون ماذا افعل وشكرا
اهلاً بيك@مؤمن محمود...
ردحذفيجب عمل صنفرة جيدا ثم تنظيف التراب ثم طلاءه بدهان السانيتون ثم بعد الجفاف تماما يطلى بالمعجون من طبقتين او اكثر حسب الطلب ثم عمل صنفرة بعدما يجف المعجون تماما ثم تقوم بعملية الطلاء بما لا يقل عن وجهين من اللاكيه نصف اللامع فى الوجه الاول ثم اللامع فى الوجه الثانى و اذا اردت الافضل فالرش افضل بالكومبريسور
لو سمحت عاوزة ادهن شقتي مدهونة من قبل اعمل اية
ردحذفاولاً يجب ان اعرف ماهو نوع الدهان القديم و ما نوع الدهان الجديد الذى تريدين طلاءه لشقتك، ارجو كتابة مزيد من التفاصيل حتى استطيع الاجابة على سؤالك بايضاح و انصاف و ارجو ايضاً من حضرتك و كل زوارنا الاعزاء كتابة اسماءهم افضل من غير معرف، حتى و ان كانت اسماء وهمية :)
ردحذفnickname
السلام عليكم ورحمة الله وبركاته
ردحذفلو سمحت انا عايزة ادهن حمام قديم مدهون بزيت وهو مقشر كتير ومتوسخ وفي واحدة كانت قالت لي استخدم بطانة داي تون 200 الأول وبعدين ادهن فهل هو نفسه السانيتون ولا مختلف وكمان هل بعد ماادهنه لازم اعمل طبقة معجون لاتكس سايبس ولا بندهن بلاستك علطول
وكنت عايزة اتأكد من حاجة
حضرتك قلت ان احنا بنستخدم ديرتون 777 وفي حاجة اسمها ديروكوت 666 ايه الفرق وايه معنى الأرقام دي
وكانت برضه اللي قالت لي على الداي تون قالت ان احنا بنستخدم الديروكوت 666 وبنحط عليه اللون اللي احنا عايزينه بالكمية اللي عايزنها وندهن بيه الحيطة فهل الكلام دة مظبوط
ومعلش السكينة اللي بستخدمها للمعجون وبنمعجن بيها الحيطة هي اللي بتبقى مستطيلة ولا التانية الصغيرة العادية اللي عاملة زي بتاعة البسبوسة :) ويعني ايه تلقيط بالمعجون ؟؟
اتمنى لو رديت علي في اقرب وقت ممكن وربنا يكرمك ويجزيك كل خير
معلش سؤال كمان هو السيلر دةلازم استخدمه ولا لا وهل السانيتون او الداي تون بندهنه بالرولة ولا السكينة زي المعجون وهل بستخدم نفس الرولة في الدهان بهد كدة ولا ايه ياريت توضح لي اكتر لو سمحت
ردحذفاهلاً بك @ ام البنين...
ردحذف--------------------
بالنسبة لموضوع دهان الحمام انت قولتى انه سبق دهانه بالزيت و يفضل ان نقوم بطلاء الحمام بالزيت لانه يتحمل الابخره و اليكى موضوع عن كيفية دهان الحوائط السابق طلاءها تجديه على هذا الرابط..http://dekorat.blogspot.com/2012/08/how-to-repaint-old-wall.html
********
بالنسبة لدريتون 777 و ديروكوت 666 الفرق شاسع فالاول هو طلاء داخلى و خارجى و عالى الجودة و اغلى فى السعر الا ان الاثنين متشابهين فى انهم مط اما الارقام هى من قبل الشركة و لا يهمنا ان نعرف معناها(ما تشغليش دماغك)
فى عملية التلقيط(التلقيط هو ملىء الشقوق و عيوب الحائط الذى يحتاج الى معجون دون سحب الحائط بالكامل يعنى على قد المكان و الثقوب فقط) ام السكين يفضل فى التلقيط سكين و ليس المستطيل و يسمى كف معجون و يستخدم فى سحب الحائط بالكامل او السقف طبعاً
اجابة السؤال الثانى لا طبعاً الدايتون دهان و ليس معجون و يدهن بالرول او الفرشاة اما باقى الاسئلة فهنا ستجدى موضوعين بهم شرح وافى...و بالتوفيق...
http://dekorat.blogspot.com/2011/09/best-way-to-paint-interior-walls.html
http://dekorat.blogspot.com/2011/12/best-way-to-paint-interior-walls-part-2.html
ربنا يكرمك يارب ويبارك لك
ردحذفطيب انا دلوقت عايزة اعرف هو الحمام دة صغير يعني قول كدة 2 *2 وكمان معمول نصه ايشاني يعني يدوب هدهن السقف ونص الحيطة او اقل من النص شوية دة يحتاج قد ايه دهان زيت وسعره كام
ولو انا استخدمت الدايتون او السانيتون يبقى هو ان كدة عملت طلاء زيت وخلاص كدة علطول واحط له اللون اللي انا عايزاه ولا تعتبر برضه بطانة زي فيحالة لو هدهن بلاستيك ولازم ادهن طبقة تانية لاكيه معلش ممكن توضح لي اكتر
وكمان معلش السقف في الحمام دة مقشر كتير اوي فهل لازم اعمل سحب معجون على السقف كله ولا هكتفي برضه بتلقيط وطبعا لو سحب يبقى اكيد هحتاج كف معجون مش كدة ؟؟
وحضرتك ماقلتليش معلش هو الدايتون هو هو زي السانيتون ولا ايه الفرق ولو زي بعض من الأفضل في الجودة
معلش انا اسفة اني كترت في الأسئلة بس عايزة اعمل شغل كويس وكمان عايزة اعرف السعر والحاجات اللي هجيبها عشان مااجيبش حاجة غلط
اه صحيح كمان معلش نسيت اسألك هو المطبخ كمان برضه قديم وزيت بس المشكلة بقى انه هو كمان متوسخ جدا جدا ومليان زيت وتراب على الحيطة فالمفروض اتعامل معاه ازاي لو سمحت وهو فيه كمان حته في السقف كانت وقعت زي كتلة حجر كبيرة منه كدة هي طبعا جزء من المحارة بس عامل حفرة عميقة لجوة يعني قد الكف كدة او اكبر شوية فهل دة هنمعجنه بس ولا حنحط حاجة جوة الحفرة دي غير المعجون
ردحذفوبالنسبة للأبواب بتاعة الحمام والمطبخ الإطار بتاعهم كان فيه فراغات بين الخشب والحيطة وكانت الست اللي قالت لي على الدهانات قالت لي استخدم للفراغات دي معجون ميدو للحديد فهل فعلا الكلام دة صح وشكرا جدا ليك وربنا يكرمك ويجزيك كل خير
السلام عليكم ..
ردحذفدلوقتي جبت نقاش و ربنا يكرمه بوظلي حاجات كتير ف الشقة و الرسييشن عاوز اديله وش فينش و النقاش كان مستخدم سايبس 2000 مع ديروتون 777
دلوقتي الرسييشن 3.5 في 9 متر .. محتاج اد ايه سايبس 2000 مع اد ايه ديروتون 777 عشان يبقى تمام .. و هل يوتن احسن من سايبس 2000
محمود مرعي..اهلا بيك
ردحذفنتمنى التوضيح اكثر و لكن سنرشدك و نجيب على قدر سؤالك
بالنسبة لكمية الطلاء الذى تحتاجه من نصف بستلة الى بستلة بلاستيك نصف لامع و السقف تقريبا 2 جالون ديرتون و تعطى وجهين من الطلاء لكل من الحوائط و السقف
لمزيد من المعلومات اتصل على 01226320480
تحياتى لك
الاخت ام البنين...
ردحذفالله يكون فى عون النقاش اللى عندك و ده لأنك دقيقة جداً...هههههههه
جميع اسألتك اجابتها موجودة فى المواضيع التى ادرجت روابطها بالاجابة الاولى بالاعلى عندما تم الرد عليكى سابقاً و مع ذلك سأجيبك ثانية لكى تنظفى الزيت بأى مادة كيميائية كالكلور هناك منتج للتنظيف مثل ايه وان و ثمنه جنيهان و نصف و بالنسبة للكتلة او المرمة جبس و اسمنت و رمميها و ساويها بالسقف و هكذا
الفراغات اذا لم يكون هناك برور اى بار خشبى برواز حول حلق الباب فيفضل تركيبه و على فكرة معجون الحديد الاستوك يعنى مع الوقت بيقع من الخشب يفضل معجونة شروخ افضل ...
فى النهاية اتعبى نفسك شوية و تصفحى الموقع و ستجدى اجابات على كل استفساراتك و اكثر
تحياتى
السلام عليكم ..
ردحذفكنت بفكر ادهن حجرة النوم عندى بنفسى اتعلم فيها وأحاول اوفر .. قرأت كل الموضوعات الخاصة بالدهانات اللى حضرتك عاملها ونظرا ًلانى بلا تجربة فى الموضوع تماما ًحاسه انى مش قادره افهم حاجه .. دلوقت الحوائط عندى مدهونة دهانات بلاستيك ابيض المفروض انى امعجنها الاول زى ما حضرتك قلت ولا ممكن ادهن عليها عالطول .. ؟؟ وفى جزء ع المحارة طبعا دا هاعيش حياتى فيه ع طريقة الاجزاء الثلاثة اللى حضرتك كاتبهم .. الغرفة 3*4 الخامات اجيبها قد ايه ؟؟؟ وبعتذر لحضرتك وبشكرك ع مجهودك الجميل ..
و عليكم السلام"بسمةعمر"
ردحذف---------------------☺
لو الحوائط جيدة يمكنك صنفرتها و تنظيفها من اتربة الصنفرة و تجهيزها (بمعنى سد الثقوب و الشقوق بالمعجون و معالجة الشروخ ان وجدت و ستجدى كيفية عمل ذلك من خلال الموضوع التالى عل هذا الرابط http://dekorat.blogspot.com/2012/08/how-to-repaint-old-wall.html)كيفية طلاء الحوائط السابق طلاءها...
اما بالنسبة لكمية خامات الدهانات 3 شيكارة معجون قد يزيد او يقل لثلاث او اربع طبقات معجون عدد بستلة بلاستيك مط سواء ديرتون 777 و هو عالى الجودة و سعره تقريبا 140 جنيه او اكثر او سوبر دايتون و هو اقتصادى و جيد و سعره مناسب اكثر من 70 جنيهاً تقريباً صنفرة 150 تكفى الغرض منها 3 متر و 2 جالون بلاستيك نصف لامع اى نوع يناسب الميزانية و الالوان التى تودين
ابدأى فقط و نسير معا خطوة بخطوة...
منتظر سؤالك الاخر...
شكراً على زيارة مدونتى المتواضعة☺
لو سمحت انا عندى شقتى مدهونة ابيض بس مش عارفة نوعو ايه زيت ولا بلاستيك السوال انا عايزة ادهنها وش تلميع لان الحيطان متسخة فهمت انى لازم اسنفر واسد الشقوق وبعدين بقة اعمل ايه هلى امعجن الحيطان بالكامل وبعدين ادهن ولا ايه وكمان هحتاج دهانات ايه وقد ايه ايه يعنى مثلا جردل بلاستيك وجردل معجون ولا ايه بالظبط وشكرا
ردحذفمن فضلك هو المعجون فى منو جاهز مش شكارة وانا اضيفلها حجات انا عايزة اسهل واقل خطوات
ردحذفمن فضلك عاوزة نوع معجون جاهز على الاستخدام مش شكارة وانا احضرها لانى عايزة اسهل واقل خطوات
ردحذفلو سمحت عايزه اعرف هي دهان باكين بيتركب اﻷلوان ولا هي بتيجي جاهزه عايزه لون نبيتي وبيج دهبي اعمل ايه
ردحذفممكن اشترك في المدونه حتي اتعلم منها الدهان والديكور
ردحذفممكن ادهن شقه مدهونه بالزيت نص لامعه باللون تانى زيت نص لامعه فدهن على طول ولا اعمل ايه ارجو الرد وشكرا
ردحذفما هي مكونات المعجون الاستوك وكيفيه خلطها
ردحذفمعلش أحب استفسر على لون بياض عاوزه ابيضه عاوزه اعمل لو أوف وايت احط ايه على ايه علشان يطلع كده
ردحذفجزاكم الله خيرا كثيرا مباركا فيه
ردحذفهو الاسبونش ينفع ع دهان بلاستيك مط ولا لازم نص لامع
ردحذفهو الاسبونش ينفع ع دهان بلاستيك مط ولا لازم نص لامع
ردحذفلا ينفع مع دهان لامع او نصف لامع
حذفلوسمحت انا عوزه اغير دهان غرفه الاطفال الدهان المطلوب ايه
ردحذفو لو عندى دولاب لاكية كريم لسة جديد و عايزة ادهن علية خطوط ازرق استخدم اية؟
ردحذف